جحيم عشقه
چحيم عشقه
عليها لمت شعرها ونزلت خلصتين منه وكان شكلها جميل جدا
كيان خرجت لقيت ليا واقف قدام الاوضه
ليل او ما شافها تنح من جمالها.....
ليل.....يخربيت اهلك انتي حلوه في كل حاجه انا بفكر انقبك
كيان....ليل انت خليتني البس كده ليه انا مش فاهمه حاجه
ليل.....محضر ليكي مفاجأة
ليل مسك ايد كيان ونزل للحفله دخل الحفله والكل كان باصص ليهم وبالذات سمر االي كانت ھتموت من غيرتها علي ليل ومن كيان
ليل.....كلها دقيقتين وهتعرفي كل حاجه دلوقتي
كيان ابتسمت اول ما شافت كنزي لابسه فستان زي اللي هي لبساه ونفس اللون والشكل عيونها اتملت دموع وبصت لليل
كيان بفرحه....كنزي
حبيبتي
كنزي سقفت بايديها....انا كنت عارفه انها مامي انا
كيان عيونها دمعت وخدتها من ليل....حبيبه قلب ماما انتي
كيان ضحكت بفرحه.....طبعا يا روحي
كيان.....تعالي يا زهره شوفي كنزي حلوة ازاي في الفستان
زهره باستغراب.....انتو لابسين زي بعض ليه
كنزي......علشان انا ومامي حلوين انتي مش حلوه زي مامي
زهره برقت پصدمه......مامي مين وبعدين انتي عندك كام سنه
كنزي.....مامي كيان وانا عندي تلات سنين
كيان......هفهمك بعدين
زهره.....طيب اول ما الحفله تخلص عايزاكي في موضوع
كيان.....موضوع اي
زهره.....موضوع مش هينفع هنا
كيان هزت راسها لزهره وهي شايفه ليل جاي عليهم
ليل مسك ايد كيان وشال كنزي وسحبها للاستدج الناس كلها اللي في الحفله انتبهت ليهم
ليل.....مساء الخير انا حابب اقول كلمتين اكيد كلكم بتسالوا اي اللي بيحصل
كيان كانت باصه لليل پخوف ان ده يكون حلم او هي بتتخيل مسكت ايده جامد وليل ضغط علي ايدها بيحاول يطمنها
كيان بدموع......ليل انت بتتكلم بجد
ليل ...انا عرفت كل حاجه يا كيان
ليل......مش وقته هقولك بعدين يلا بقا نكمل الحفله في اوضتنا
كيان بتوتر وهي بتبص للناس ولكنزي.....ليل انت بتقول اي والحفله دي
ليل لسليم.....الحفله انتهت يا سليم اتصرف
سليم هز راسه وبص لليل الي خد كيان وكنزي ودخل الفيلا
زهره فضلت واقفه متنحه
سليم......اي هتفضلي متنحه كده كتير
صوت جاء من وراهم وكان زينب.....زهره
زهره لفت.....زينب انتي جيتي هنا ازاي
زينب پخوف......حرام عليكم اختفيتوا مره وحده ومحدش عرفلكم طريق انا دورت كتير لحد ما عرفت انك اتطلقتي من البأف جوزك ده وجيتو هنا
زهره......مټخافيش احنا كويسين وبخير انتي عامله ايه
زينب بابتسامة حزينه......انا كويسه الحمد لله انكم بخير اومال فين كيان
زهره......كيان مش موجوده دلوقتي لكن اوعدك هجيبها ونجيلك لحد عندك
زينب بصت لسليم بخجل.....طيب
انا همشي ابقي طمنيني عليكم واتصلي علي تلفون نسمه
زهره.....اومال فين تلفونك اللي لسه جيباه
زينب بتوتر......وقع مني في المياه وباظ ابقي اتصلي علي تلفون نسمه في اي وقت يلا انا همشي علشان الوقت اتاخر
زهره لسه هترد زينب مشيت بسرعه وخرجت من الفيلا
فضلت واقفه مستنيه اي تاكسي لحد ما لقيت عربيه وقفت قدامها
....اركبي
زينب بعصبيه.....هو انت تاني
اكرم.....انا قولت اركبي ولا هتفضلي واقفه كده فث نص الليل في الشارع
زينب بصت حواليها ملقيتش حاجة قربت فتحت الباب وركبت اكرم ابتسم بجانبيه لانه عارف انها هتركب
__________
في الفيلا في اوضه ليل كيان غيرت وكانت بتغير لكنزي وليل خد شاور ولبس تيشرت اسود وبنطلون قطني اسود
كيان.....وكده نكون خلصنا
كنزي باستها من خدها.....يلا بقا علشان ننام انا وانتي وبابا مع بعض
كيان كانت عايزه تتكلم مع ليل لكن ليل شاور ليها انه مش وقت كلام في وجود كنزي قرب
سمر بعصبيه.....ازاي قدر يعمل كده ده كله علشان الجربوعه دي انا كنت شاكه ان في حاجه بينهم
سمير اخوها......شاكه اي انتي عبيطه ده مخلف منها
سمر بعصبيه......وربي لاوريك يا ليل ازاي تعمل فيا كده
كيان صحيت من النوم لقيت ليل حاضنها
كيان قامت بهدوء من جمبه خدت هدوم ودخلت الحمام خدت دوش
وخرجت لقيت ليل صاحي وكنزي بتلعب معاه
كيان بحب.....صباح الخير
ليل سحبها من ايديها وقعدها علي رجله وكيان اتكسفت وبصت لكنزي
كيان بخجل......ليل ابعد
ليل......ابعد ليه مش انتي مراتي
كيان......كنزي يا ليل عيب ابعد
ليل بحب.......مالها كنزي ما هي بتلعب اهي مش مركزه
كيان......برضو يا ليل عيب البنت تشوفنا بالوضع ده
ليل.......كنزي حبيبتي روحي للداده خليها تغيرلك هدومك وانا وماما هننزل علشان نفطر كلنا سواء
كنزي بفرحه.....حاضر
كيان بتوتر لفت ليه......اي اللي غيرك يا ليل
ليل بتنهيده وهو بيرجع شعرها لوراء......انا عرفت كل حاجه يا كيان وكنت مستني انك تيجي وتقوليلي
كيان بتوتر اكبر......عرفت اي واقولك اي مفيش حاجه اقولها
ليل پحده.....كيان انتي مش محتاجه تخبي اكتر من كده قولي الحقيقه لاني خلاص بقيت عارف كل حاجه
كيان......انا مكنتش مخبيه يا ليل
بس انت اللي مكنتش قادر تشوف اني مستحيل اعمل كده
ليل باس ايدها......وانتي مقولتيش ليه الحقيقه ولا كنتي هتفضلي مخبيه عني لامتا
كيان......انا اسفه يا ليل بس كل اللي حصل كان ڠصب عني
ليل......كيان انا مش عايزك تخافي مني او تخبي حاجه عليا فاهمه
كيان هزت راسها
ليل......يلا بقي قوليلي الحقيقه يا كيان مش عايز غير الحقيقه
كيان بتوتر......لو سمحت يا ليل سيبني دلوقتي وانا هقولك كل حاجه لما احس اني لازم اتكلم لو سمحت
ليل قرب منها......ليه مش عايزة تتكلمي ليه خاېفه من اي
كيان بتوتر.....مفيش انا مش خاېفه من حاجه بس انا قلقانه شويه ممكن ننزل بقا تقوم تغير هدومك وننزل
ليل بغيره......وانتي هتنزلي كده انا سكت امبارح علشان مكنتش عايز انكد عليكي
كيان......في اي يا ليل لبسي ماله
ليل بهدوء......لبسك من النهارده مش عايز اشوف فيه حاجه مفتوحه يا كيان او حاجه ضيقه
كيان بهدوء......حاضر يا ليل لو سمحت سيبني بقا اقوم علشان انزل
ليل سابها وهي قامت....
ليل.....انا هدخل اخد شور تكوني انتي غيرتي هدومك
كيان هزت راسها وليل دخل الحمام ياخد شور
________
زهره بصت علي التلفون بضجر
زهره ردت وباسم اتكلم.....يا صباح الجمال
زهره بضيق.....يا صباح القرف علي الصبح في اي
باسم بخبث.....تؤ يا روحي معقول تنسيني ده انا باسم حبيبك
زهره بعصبيه......بقولك اي يا باسم ما بلاش الكلام ده لان انا وانت عارفين كويس انت نيتك اي
باسم......نيتي انك ترجعي لجوزك حبيبك
زهره بسخريه......جوزي حبيبي والله انت حرام فيك الكلمه نفسها انا اصلا لحد الان معتبره نفسي مش متجوزه يا باسم واه انت طليقي وانشاء الله هعزمك علي فرحي قريب
باسم بضيق.....بقولك اي انا مش بحب اللي يكون ليا يروح لغيري يعني يا زهره لو فكرتي تتجوزي او حتي تكوني لحد غيري انا هعمل حاجه هنندم عليها طول عمرنا
زهره بعصبيه......بقولك اي انت مش بتحبني ودي حاجه انا وانت عارفينها بس انت عندك حب تملك يا باسم حب تملك يعني انت واحد مريض
باسم.....صدقيني حتي لو انا مريض برضو با زهره مش هسيبك
زهره قفلت التلفون بعصبيه ورنت علي سليم
سليم بهدوء.....صباح الخير يا زهره
زهره بضيق.....صباح الخير
سليم.....في حاجه
زهره......سليم انا عايزه اشوفك ضروري ممكن
سليم.....اه ممكن خلاص نتقابل في الكافيه اللي جمب الشركه
زهره.....معلش ممكن تديني العنوان لاني مش فاكره الشركه فين
سليم اداها العنوان وزهره قامت خدت شور ولبست وخرجت
___________
سمر پغضب......يعني اي يعني كده ليل ضاع مني
....يا هانم ليل بيه طلع متجوز من كام سنه ومعاه بنت
سمر.....انا ماليش دعوه بالكلام ده انا عايزه ليل يكون ليا ومش هيكون ليا غير بطريقه
....اي هيا يا هانم
سمر.....نقتل كنزي
....انتي بتقولي اي يا هانم يعني ليل بيه يخلص علينا
سمر بخبث.....اسمع االي هقولك عليه ونفذه
_________
زهره كانت قاعده وسليم قاعد قصادها
سليم بانتباه......في اي يا زهره مالك
زهره بتوتر.....المفروض ان احنا نتجوز بعد عدتي
سليم
بهدوء.....المفروض
زهره......بس انا ماليش عده يا سليم
سليم بص ليها باستغراب
سليم بص ليها وحس انه فرحان لان طول السنين دي حافظت علي نفسها
سليم مسك ايدها واتكلم بحب.....يبقي بدل الخطوبه فرح
زهره سحبت ايدها واتكلمت.....ياريت قصدي يعني مفيش مانع انه يكون فرح
سليم بهدوء.....خلاص انا هتكلم مع ليل في الموضوع ده
زهره.....وانا هتكلم مع كيان استاذن انا بقي لاني خرجت من غير ما اقول لحد
سليم قام ودفع الحساب.....ثواني هوصلك
زهره هزت راسها وقامت وسليم وصلها
_________
في الفيلا
علي السفره كانت قاعده كيان وكنزي قاعده علي رجلها وليل مترأس السفره
كيان.....هي زهره منزلتش ليه لحد دلوقتي
كنزي ببرائه.....بس طنط زهره خرجت
كيان بانتباه.....خرجت راحت فين
كنزي.....معيفش هي خرجت
ليل.....مټخافيش اكيد خرجت تتمشي
كيان بهدوء.....تمام
انا هروح اتصل بيها اشوفها فين
كيان لسه هتتحرك زهره دخلت ومعاها سليم
زهره.....صباح الخير
كيان.....صباح النور كنتي فين من الصبح كده
ليل......كنتي فين يا زهره
زهره بتوتر.....بصراحه انا خرجت
سليم بهدوء......كانت معايا
ليل بهدوء.....كانت معاك بتعمل اي
سليم.......يا ليل بصراحه انا وزهره اتفقنا ان احنا نتجوز
ليل بص ليه بهدوء....طيب جميل وانت لسه فاكر تقولنا يا سليم
كيان بصت لزهره واتكلمت.....كنت مستنيه اي علشان تقوليلي لما تتجوزي
زهره بهدوء.....كيان انا امبارح قولتلك اني كنت عايزاكي في موضوع بس معرفتش اقولك اي هو
كيان بهدوء......وانت بقا يا استاذ سليم عرفت ان زهره متجوزه قبل كده
سليم.......انا عارف زهره من زمان يا
مدام كيان ودي مش اول مره اشوفها
كيان بصت لزهره ومتكلمتش
سليم......انا عارف انتو دلوقتي بتفكروا في اي بس انا معنديش مشكله انها مطلقه انا قابلها زي ما هي انا بحبها
زهره رفعت راسها وبصت ليه وقلبها بيدق بسرعه
كيان بصت لليل
ليل بهدوء......بس يا سليم في عده وبعدين تفكروا تتجوزوا
زهره اتوترت
سليم.....لا ما احنا قررنا نتجوز الخميس اللي جاي
كيان ضحكت وليل بص ليهم.....انت بتهزر اكيد
ليل.....وده ازاي بقا لما هي كانت متجوزه ولسه مطلقه معداش علي طلاقها أسبوعين
سليم بهدوء......كان جواز علي ورق يا ليل علي ورق
كيان بصت لزهره پصدمه.....الكلام ده صح
زهره بتوتر.....ايوة يا كيان
ليل بهدوء.....خلاص طالما كل حاجه انتو متفقين عليها يبقي علي بركه الله
سليم بابتسامة......يبقي جواز علي طول
ليل بص ليه.....تمام
كيان بضجر.....اي جواز علي طول دي احنا حتي لسه مجهزناش حاجه
سليم.....لا انتو مش هتجهزوا حاجه انتو بس هتروحوا تشتروا فساتين بس
ليل.....احنا هنجهز كل حاجه
كيان.....خلاص احنا نروح المول ونشتري اللي عايزينه وناخد كنزي معانا
كنزي سقفت بفرحه
ليل.....تمام يبقي تاخدوا الحراسه معاكم
كيان قامت....تمام هنروح احنا نجهز يلا يا كنزي
كيان وكنزي طلعوا فوق وغيروا هدومهم وزهره كانت مستنياهم
عدت ربع ساعه ونزلت كيان وكنزي وكانوا زي الملايكه
ليل بص ليهم وابتسم
زهره وكيان وكنزي راحو المول ومعاهم حراسه
في المول كنزي وكيان كانوا بيختاروا فساتين وزهره
زهره....اي رايكم في الفستان ده
كنزي.....وحس وحس انت معندكيس زؤق
زهره....وحش وحش طالعه لامك معندكيش ډم
كيان ضحكت عليهم....هو فعلا وحش شوفي حاجه احلي
_______
ايوه يا هانم دخلوا المول ومعاهم حراسه
سمر.....اسمع انا عايزه البنت تكون عندي في اسرع وقت فاهم
حاضر يا هانم. متقلقيش هما اول ما يطلعوا من المول هنخطف البنت
_________
كيان بابتسامه.....حلو اوي الفستان ده
كنزي.....ايوة صح زي ما ماما قالت
زهره بتريقه.....ايوة صح زي ما ماما قالت ده انتو عالم فقر
كيان.....يلا بقا اتاخرنا نكمل خناق في البيت
زهره وكيان وكنزي خدوا الحاجات اللي اشتروها وحاسبوا عليها وخرجوا اول ما خرجوا جت عربيه وقفت قدامهم
والباب اتفتح وسحبوا كنزي
