العرافه

كانت تجلس بجانب الطريق تبكى فاليوم تحقق أسوأ كوابيسها فقد تركها خطيبها لانها لم تستطع إكمال جهازها وهو يريد الزواج فى اقرب فرصه ثم اكتشفت بعد ذلك إنه ارتبط بزميلتها فى العمل
ومن جهه اخرى طرد مديرها لها بسبب كسر طبق ومشاجره مع زميلتها لما حياتها هكذا دائما لا تكتمل 
لطيفه وهى لطيفه بطلتنا الجميلة التى تسعى فى تلك الحياه لتشعر فقط بالاستقرار والأمان
اثناء جلوسها اقتربت منها امرأة ووضعت يدها على رأسها 
العرافه مالك يا بنتى بتعيطى ليه انتى تعبانة 
تنهدت لطيفه
أنا تعبت من الحياه بجد تعبت بحاول بأقصى قوه انى اعيش بس الحياه مش عايزانى اعيش 

احست بها العرافه وجلست بحانبها
طيب احكيلى يمكن أقدر اساعدك 
حياتى ملهاش حل بس هحكيلك يمكن لنا افضافص ارتاح انا والدتى توفت وانا عندى ٦ سنين فضلت من بيت عمى لعمتى ومن خالى لخالتى لحد ما بابا قرر يتجوز عشان نستقر 
وياريته ما عمل كده بعد جوازه بفتره مراته حملت وبعد ما حملت بقيت انا حمل عليها وحاولت تتخلص منى لكن بابا رفض وقالها انه مش هيسبنى ووجودى قصاد وجودها 
الكلام ده معجبهاش طبعا وبقت تطلع العقد بتاعتها عليا بابا كان بيحاول على قد ما يقدر يعوضنى بس ظروفه كانت وحشه 
بعد ما خلفت بقيت انا الداده لاختى لحد ما ماكبرت ودخلت ثانوى بقيت اقف قصادها عشان ماتمدش ايدها عليا او تحاول تظلمنى دخلت الكليه بعد عناء وبعدها بابا اتوفى اضطريت انى اشتغل عشان اصرف على نفسى واكمل تعليمى وانا بنت ١٨ سنه لما اتخرجت بقيت اشتغل من محل لمحل ومن مطعم لمطعم لحد ما اتعرفت على واحد من الزباين بتوع المكان اتقربنا من بعض وماصدقت قلت هتجوز وابعد لكن للأسف المرتب مش مكفى جهازى لقيته باعتلى رساله ان اهله مستعجلين وهو جاهز وعايز يتجوز وانه مش هيستنى أكتر من كده وسبحان الله فى نفس اليوم زميلتى فى الشغل تعلن خطوبتها وهو العريس 
سمعت الخبر اعصابى باظت الطبق وقع اتكسر جه المدير زعقلى وبعدها اتخانقت مع البنت دى عشان استفذتنى راح المدير قال المكان مايسعكوش وطرنى 
أدى حكايتى ودلوقتي هروح لمرات ابويا تفضل تسمعنى كلمتين وتعايرنى عشان متجوزنش وهى بنتها متجوزه من سنه 
العرافه بابتسامه لطيبه قلب تلك الفتاه فهى من سؤال واحد قصت لها تاريخ حياتها فماذا لو سألتها بأخر 
طيب ممكن تهدى وخدى وشوشى الودع 
لم تشعر لطيفه بالحماس وقالتلهت عارفه حظى مش محتاجه اسمع حاجه تضايقنى خلينى اتفاجئ
العرافه بابتسامة طيب جربى ولو طلع حاجه وحشه همشى ومش هقولك 
لطيفه انا مش معايا فلوس 
العرافه مابخدش فلوس انا عايزه اساعدك 
اخذت لطيفه منها الودعه وقامت بوشوشه الودعه ثم اعطتها للعرافه واخذت منها العرافه الودعه ونظرت لها بابتسامه 
بعدما نظرت العرافه فى الودع نظرت مره اخرى لطيفه طريقك يا بنتى ماليان خير واللى جاى هيعوض اللى راح 
خطيبك مكنش فيه خير ليكى ولا هيكون في لغيرك 
قامت بدحرجت الودع مره اخرى واكملت 
أول خطوة فى نجاحك وبدايتك الجديدة يوم ماتهزمى خۏفك 
دحرجت الودع مره اخرى 
رزقك ربنا شايلهولك اسعيله وماتقلقيش وغامرى 
وافتكرى دايما محدش بيتجوز مرات حد كل واحد بيتجوز مراته اللى مقسوماله 
لطيفه نظرت لها بتمنى 
العرافه اسمعى يابنتى وهقابلك هنا كمان سنتين وهاخد حلاوتى وهتقولى العرافه قالت 
تركتها العرافه بعدما تبدل مزاج لطيفه من حال لحال 
لطيفه لنفسها 
العرافه قالتلى اهزم خوفى وانا بخاف من مرات ابويا خلاص اجرب اواجهها واللى يحصل يحصل لو قدرت عليها يبقى كلام العرافه صح وهعمله 
وصلت لطيفه للمنزل ودلفت الى الشقه ووجدت زوجه